නුඹට පිලිතුරු....!!

සැලෙයි පන් සිල,
සමඟ මඳ නල...
එහෙත් හිතවත..
නුඹේ අවමන්,
මැද සැලෙන්නට..
පහන් සිලුවක්,
නොවැනි මා නම්....

නුඹේ ඒ රුදු..,
වදන් පෙල තුල...,
දුටිමු අප සැම..,
තෙත් බවක් නැති,
මිලානව ගිය..,
නුඹේ ඒ පොඩි,
අඳුරු හදවත....

විමසුමට පෙර...
සවිය ගැන අප..,
කසරු ඇට පෙල..,
හැකිද නුඹහට..,
සිතා බැලුමට...
අදිසි රුව වී..,
අප සමඟ හිඳ..,
අපව පෙලූ නුඹ,
සතු ද කසරුව...?

විඳගනු ද බැරි විය..,
අහස් කුස සුමිහිරි අපූරුව....
සවිය නැත අප..,
කුඩා තටු තව...
සවිය දෙන්නට..,
ලඟින් සිටි අය..,
බලයි වෙනතක,
දුටුව විට අප....

ජීවිතය තුල,
සතුට නොහැඳිනූ...,
කෙලි කවට රස,
නොවිඳ දැඩි වූ...
නිසරු වූ නුඹ..,
නිවට යන්ත්‍රය,
නුඹයි ශාපය..,
අප සැමට වූ....

හෙලෝ වර්ල්ඩ් පැරා....

අපේ පැරා ගේ කම්පයිලර් එකට මේ ලඟදි මොකක් හරි වෙලා. උදේ ඉඳලා දේශන වල ඉන්නකොට මොලේ රත් උනත් ශාලාවේ වායුසමන යන්ත්‍ර මගින් අවට  පරිසරය සීතල තත්වයක පවතින නිසා මේ අසමතුලිතතාවය පැරාට ගොඩක් බලපාලා තියෙනවා. විශේෂයෙන්ම ජාවා දේශන වලදී. ඇයි ඉතින් කම්පයිල් කරන්නත් එපැයි. කොහොම හරි මේ කොලුවගෙ කම්පයිලර් එක සවුත්තු වෙලා. අපේ එවුන්ට තව මාසයක් විතර කල් දීලා තිබුණ සංකීර්ණ ජාවා ප්‍රෝග්‍රම් එකක් වෙනුවට පැරා  වැඩේ දුන්න දවසේම "හෙලෝ වර්ල්ඩ්" ප්‍රෝග්‍රම් එක ලියලා අප්ලෝඩ් කරලා ඇවිත්. හිතා ගන්න පුළුවන් නේ උගේ කම්පයිලර් එකට වෙලා තියෙන නස්පැත්තිය....  

හුංගා ගේ සරඹ..

මේ දවස් වල හරියට වැස්ස. ඒක නිසා හරියට සීතලයි, හරි සනීපයි. ඒක නිසා අපේ උන්ට දේශන වලදී හොඳ සනීපෙට නින්ද යනවා. ඒත් ඉතින් නිදාගෙන මාට්ටු උනොත් අවුල් නේ. කොහොම හරි නොනිදා ඉන්න අපේ අයට විවිධ ආවේනික ක්‍රම සහ විධි තියෙනවා. මේ අතරින් හුංගා ගේ ක්‍රමය විශේෂ ආකාරයේ එකක්. හුංගාට නිදිමත එනකොට ඌ අසල ඉන්න එවුනුත් සහභාගි කරගෙන සරඹ සංදර්ශන පවත්වනවා. හැබැයි අසල සිටින්නන් ට එයින් වාසි හා අවාසි කීපයක්ම වෙනවා. නොනිදා සිටීමට තම තමන්ගේ ක්‍රම භාවිත කිරීමට අනවශ්‍ය විම මෙයින් එක් වාසියක්. සරඹ සන්දර්ශනයේ උච්චතම අවස්ථා වලදි හිසකෙස් ගැලවීම, මාරාන්තික ප්‍රහාර වලට ලක්වීම වැනි දේ අවාසි හැටියට දක්වන්න පුලුවන්. මොනවා උනත් බොහෝ විට මේවාට බහුලව ගොදුරුවන්නේ වනයා සහ බිස්. ඒ උනාට මේ ක්‍රම වකන්නාට ලොවෙත් වලංගු නෑ....