කුස රජ්ජුරුවෝ....෴

ඔන්න ඉතින් අපේ හුංගා කොලුවගෙ මව්දෙමව්පියෝ පහුගිය දොහක කොලුවවත් එක්කාසු කොරගෙන පිචෑර් එකක් බලන්ටයි කියලා ගොහින් නොවැ. මේ දවස් වල කවුරුත් කතාකොරන "කුස පබා" පිචෑර් එක තමා හුංග කොලුවා බලලා තියෙන්නෙ. ඉතින් පහුවදා උදෙන්ම අපෙ රොයියා කොලුවත් එක්ක බවනට පාත්වුන හුංගාගෙ පළමුවෙනි කාරිය උනේ "කුස පබා" ගෙ තොරණෙ විස්තරේ එතන හිටපු උන්ට දිගාරින එක. තොරණෙ විස්තරේ කස්ටිය කට ඇරගෙන අහ අහ ඉන්න වෙලාවෙ රොයියා කොලුවට පුරස්නෙයක් මතුවෙනවයි කියන්ටකෝ. ආයෙ මොකද කියලා හුංගගෙන් මේ ගැන අහලා සැක හැරගන්ට කියල උගෙ පුරස්නෙ හුංගගෙන් ඇහුව.

ඈ බං.. හැබෑටම ඔය කුස රජ්ජුරුවෝ ලංකාවෙ පොරක් නෙවෙයි නේද?

ඒ පුරස්නෙට හුංගට අසූහාරදට මල පැනපි...

ඇයි යකෝ... ජැක්සන් ඇන්තනි ලංකාවෙ එකෙක් නෙ...

හුංගා ගත් කටටම කියපි..

කෙවින් නෑෂ් vs ජෝන් නෑෂ්

ඔන්න ඉතින් අපේ කස්ටියක් මේ ලඟදි සිරීපාදෙ ගියානේ.... රත්නපුරා පාරෙන් තමා කරුණා කලේ... රත්නපුරේ ඉඳලා පැයක් විතර තව බස් එකක යන්න උනා....
ඉතින් කම්මැලි නිසා කට්ටිය පොඩි චැට් එකක් දාගෙන ගියේ...
ඔන්න ඉතින් මේ කතාවෙ කතා නායකයා වන "පරලා" රෙස්ලින් ගැන තමන්ගේ දැනුම බෙදා දෙන්න ගත්තා....
කොහොම හරි මේ චැට් එකේදි පරලා පාවිච්චි කරන අන්වර්ථ නම "නෑෂ්" කියන එකත් ඇදිලා ආවා....
ඉතින් පරලා මේකෙ සුල මුල කියන්න අරන් "කෙවින් නෑෂ්" කියලා රෙස්ලින් ශූරයෙක් ගැන කියන්න ගත්තා.....

ඔය අතරතුරේ මේ කතාව සාවදානව අහගෙන හිටි අපේ හුංගාත් කටහඩ අවදි කලා....
"මචන් උඹ අහලා තියෙනවද​ ජෝන් නෑෂ් කියලා එකෙක් ගැන??​".....

පිළිතුරු නොදීම හරි නෑ කියලා හිතිලද කොහෙද  පරලාත් ඉතින් පිළිතුරු දුන්නා
"ආහ් ඔව්, කෙවින් නෑෂ් ගෙ මල්ලිනෙ,, මිනිහා දැන් රෙස්ලින් ගහන් නෑනෙ".....

ඔන්න ඉතින් හුංගා කියපි.....
"මචන් ජෝන් නෑෂ් කියන්නෙ mathematician කෙනෙක්"