ඔන්න ඉතින් අපේ හුංගා කොලුවගෙ මව්දෙමව්පියෝ පහුගිය දොහක කොලුවවත් එක්කාසු කොරගෙන පිචෑර් එකක් බලන්ටයි කියලා ගොහින් නොවැ. මේ දවස් වල කවුරුත් කතාකොරන "කුස පබා" පිචෑර් එක තමා හුංග කොලුවා බලලා තියෙන්නෙ. ඉතින් පහුවදා උදෙන්ම අපෙ රොයියා කොලුවත් එක්ක බවනට පාත්වුන හුංගාගෙ පළමුවෙනි කාරිය උනේ "කුස පබා" ගෙ තොරණෙ විස්තරේ එතන හිටපු උන්ට දිගාරින එක. තොරණෙ විස්තරේ කස්ටිය කට ඇරගෙන අහ අහ ඉන්න වෙලාවෙ රොයියා කොලුවට පුරස්නෙයක් මතුවෙනවයි කියන්ටකෝ. ආයෙ මොකද කියලා හුංගගෙන් මේ ගැන අහලා සැක හැරගන්ට කියල උගෙ පුරස්නෙ හුංගගෙන් ඇහුව.
ඈ බං.. හැබෑටම ඔය කුස රජ්ජුරුවෝ ලංකාවෙ පොරක් නෙවෙයි නේද?
ඒ පුරස්නෙට හුංගට අසූහාරදට මල පැනපි...
ඇයි යකෝ... ජැක්සන් ඇන්තනි ලංකාවෙ එකෙක් නෙ...
හුංගා ගත් කටටම කියපි..
