ආදරණීය දමිත් අයියේ........

ඔයාට දැන් මාව මතක් වෙන්නෙත් නෑ නේද. මගේ ලේන් පැට්ටො දෙන්නා දැන් ලොකුයි. ඔයා උන්ට කිරි පොවන්න කියලා දුන්න නිසා තමා.  ඔයාගේ බලු පැට්ටා ට දැන් හොඳද? අපේ තාත්තා දවසක් මගෙන් ඇහුවා ඔයා කව්ද කියලා. මම කිව්වා ඔයා මගේ හොඳ.....ම, හොඳ.....ම, හොඳම යාලුවෙක් කියලා.  මම එක දවසක් ඔයාලාගේ කැම්පස් එකට එනවා කියලා ඔයාට  කිව්වානේ  ඒ  උණාට මම ඇවිත් හැමතැනම බැලුවා ඔයා හිටියේ නෑ නේ.  මගේ යාලුවෙක් කිව්වා එදා ඔයා  තෙල් කඳවුරේ හැංගිලා හිටියා කියලා. ඇයි ඔයා ඒ තරම් මට බයයි ද?  දවසක් මගේ කලින් බෝයි ෆ්රෙන්ඩ්ගේ දැන් ගර්ල් මට කතා කලා. එයා මගෙන් ඇහුවා මම තවමත් එයා ගැන හිතනවද කියලා. මම කිව්වා දැන් දමිත් අයියා මගේ යාලුවෙක් විතරක්ම නෙවෙයි කියලා. ඊට පස්සේ ඒ කෙල්ල මට හිනා වුණා....

    මීට ආදරණීය උපේක්ෂා නංගී.

පසුවදනක්......

මේ කථාව පම්මා අයිෆෝ කාලේ ඇපල් කෑල්ලක් ලෙස දුටු අංගනාවකට තම ජංගම දුරකථන  අංකය ලබා දීමෙන් පසු හුවමාරු වූ කෙටි පණිවුඩ සමුදායක් ඇසුරින් ගොතන ලද සත්‍ය   සිදුවීමකි.  මේ වනවිට ඇය පම්මාට පැපොල් කෑල්ලක් වී ඇති බවයි ආරංචි..... 

ක්‍රීම්ස් නැති ඩෝ-නට්ස්......

ඔන්න මේ ලගදි  බොකී අපේ  කොල්ලො ටිකකුත් එක්ක හවස්ජාමේ ඕපන් බවන පැත්තේ ගිහින් තියෙනවා මොකුත් සප්පායම් වෙන්න කියලා.  කස්ටිය කවුන්ටරේට ගිහින් කෑම  ගන්නකොට  බොකීත් ගිහින් එයා  කැමතිම කෑමක්  වෙන  ඩෝ-නට්ස් තියෙනවා දැකලා ඇරගෙන  ගිහින් මේසයක ඉඳගෙන කන්න ලෑස්තිවෙනකොට තමා මේ ඇබැද්දිය වෙලා තියෙන්නේ.  හත්ඉලව්වයි..., බවනේ කොලුවා ඩෝ-නට් එක උඩට චිලි පේස්ට් දාලා.....!! මේ වැඩේට බොකීට අසූ හාරදහට කේන්ති ගියපි..., මොකද මීට කලින් බොකී බටර් ගාලා, ක්‍රීම්  දාපු  ඩෝ-නට් මිසක් චිලි පේස්ට් දාපු ඩෝ-නට් කාලා තියෙන එකක් යැයි. ඉතින් මේ විස්තරේ ලග හිටපු පරලා ට බොකී මෙහෙම කිව්වා. "බලන්න පරලා මේ ඩෝ-නට්ස් වලට ක්‍රීම්ස් දාලත් නෑ ඒ මදිවට මේක උඩට චිලි පේස්ට්ස් දාලා......, ටෝටලි ෂිට්........!! " මේ කතාව අහපු පරලාට කකා හිටපු කෑම හිර වෙලා ඇස්වල කඳුලු පිරුණාලු..., මොකද දන්නවද...? ඕපන්  බවනේ හවස් වෙනකොට තියෙනවා හොඳ ලස්සනට පාන් පිටි වලින් හදාපු උඳු වඩේ. බොකී ඩෝ-නට් කියලා හිතාගෙන ඉඳලා තියෙන්නේ ඒ උඳු වඩේ.  අන්න එදා තමා බොකී මුල්ම වරට  උඳු වඩේ කාලා තියෙන්නේ.....

ආයෙත් ආවෝ......

අනේ අපොයි මේකට වෙච්ච දෙයක් කියලා කස්ටිය හිතනවා ඇති, කලෙකින් මේ පැත්තේ ඇවිත් අපේ උන්ගේ කතාවක් කියලා යන්න බැරි උණානේ. අපේ උනුත් ඇහුවා, අපේ අයියලත් ඇහුවා මොකෝ උඹ සද්ද නැත්තේ කියලා. හපොයි ඉතින් ඒකට හේතු ගොඩයි. මුල්ම හේතුව කියන්නම්, ඔය අපේ ගුණමකුවා ඉන්නේ මිනිහා දවසක් මගේ ලැප්ටොප් කෑල්ල අතපත ගාන්න ගිහින් අර බ්ල් ගේට්ස් ලොක්කා ගේ පද්ධතියට කෙලියා. ඒත් ඉතින් මනුස්සකමට මම ඌට කෙලින්න ගියේ නෑ. ඔක්කොම හොඳටයි කියලා මම මනුස්සකම ඇති පද්ධතියක් දාගෙන ඉන්නවා. ඊට පස්සේ ඉතින් එක එක වැඩ සෙට් වුන නිසා මේ පැත්තේ ඇවිත් කතාවක් දෙකක් කියලා යන්න බැරි උනාට අපේ උන්ට සිද්ධ වෙච්ච දේවල් බොහොමයි. වෙලාවක් ලැබුණ හැටියෙම ඕවා මම එලියට ඇදලා දාන්නම්. එතකන් ඔහොම ඉමු නේද?

අපේ අගේ හන්තානේ.....

මේ කියන්න යන්නේ සමහර විට මට සයිබර් අවකාශයේ ඇඩ්ඩ්‍රස් නැතිවෙන කතාවක් උනාට මට ඉතින් ඒ ගැන ජුන්ඩක් වත් නොකියා ඉන්නම බැරි නිසා ඔන්න. මේ ලඟදි අපේ අගසමි ලොක්කාට හන්තානේ මල් පාර පැත්තේ ලස්සන මලකට හිත වැටිලා නොවැ. උන්නැහේගේ මොබයිල් පෝන් එකෙන් දිගට හරහට මල් පොකුරු, පොකුරු කැඩුවට මොකද මේ ලඟක් වෙනකන් පාත්තියේ සරුසාරෙට එරිලා තිබුන කැරට් කෑල්ලක් කන්න වාසනාවක් තිබිලා නෑ. කොහෙද ඉතින් ඒකට හන්තාන පැත්තෙම යන්න එපැයි. ගොඩක් දවසක ඉඳන් අපේ අගයා ඒ පැත්තට පැනගන්න පුලුවන් වෙන විදියේ ඇල්ගොරිදමක් ගැන ඇහැ ගහගෙන හිටියෙ. අපේ වවුලයි වැද්දයි දවසක් ඔය පැත්තේ පැණි වරකා ගහක් වටේ කැරකෙන්න ගියාට උන් එක්ක අගයා සෙට් වෙන්න ගියේ නෑ. රඟහල අඩ අඳුරේ තියෙන වෙලාවක වැද්දයි වවුලයි උදැල්ලක් එහෙම දැම්මොත් කියලා අගයා ට හිතෙන්න ඇති. ඔන්න අන්තිමට බැරිම තැන හන්තානේ කැලේ ඉඳලා අපේ පාරාදීසයට ආපු කපටි පුංචි නරියා ව මුණ ගැහෙන්න අගයා තීරණය කලා. අගයාගේ මේ දුක අහලා නරියා ඌට උදව් කරන්න තීරණය කරලා පසුගිය සතියේ නරියා හන්තාන කන්දට අල්ලපු කන්දේ ඇති නරි ගෙදරට අගයා එක්කගෙන ගිහින් නරියා දන්න කියන පාරවල් එහෙම පෙන්නලා නොම්මර එකේ කුප්පියක් දැම්මා. මොකද කැරට් කනකොට මාට්ටු උණොත් දුවන අතක් වත් අගයා හන්තාන පැත්තේ දන්නේ නෑ නොවැ. කොහොමෙන් කොහොමහරි අගයා ඉතා සැලසුම්සහගත ආකාරයෙන් හොඳට බැහැලා තිබුණ කැරට් අලයක් එහෙම කාලා පරිස්සමට තමන්ගේ වාසභූමියට පැද්දුව බවයි ආරංචි. හැබැයි ඉතින් අගයා කැරට් කන වෙලාවේ පාත්තිය අයිති ගම රාලයි ගම හාමිනෙයි කැරට් පාත්තිය තිබුණ වත්තේ ඉඳලා තියෙන බව තමා ආරංචි. මාට්ටු උනේ නැත්තේ අගයා පූරුවෙ කරපු පිනකට වෙන්න ඇති. නැත්නම් මේ වෙනකොට අගයාගේ කටු බොඩියට නුවර වැවේ මාලු කොටනවා.   

ඉඩෝරිගේ (අ)නියමය The Idori's anomaly

ඉඩෝරි දැන් ඉස්සර වගේ නෙමෙයි ඔන්න. ඔය කෑ ගහගෙන හිටියට මොකද මාර මොළයක් තියෙන්නේ. මේ ලඟදි මහා පර්යේෂණයක් කරලා අළුත් නියමයක් හොයාගෙන. කාටවත් ඕක කියලා නෑ, අපිත් දැනගත්තේ බොහොම අමාරුවෙන්. ලබන මාසේ තමා පර්යේෂණ වාර්තාව එලි දක්වන්නේ. ඒක නිසා දැනට ඉඩොරි හොයාගත්ත දේ පිලිබඳ කෙටියෙන් කියන්නම්. ලෝකයේ සෑම මිනිසෙකුටම අඩුවක් ඇත කියලා ලු එයා හොයාගෙන තියෙන්නේ  

සුපිරි මාරියෝට ආදරය කල කූඹිච්චී.......

ඔන්න මේක සිද්ධවුනේ අපි විභාගෙට ලොවෙත් පාඩම් කරලා බැරිම තැන තනි තනියමත් පාඩම් කරන දවසක. එල් එම් එස් එකෙන් ගේමක් නැතිවම භාගත කරගත්ත ස්ලයිඩ් තොගයක් පැය ගානක් තිස්සේ බලාගෙන ඉඳලා මොලේ කුරුවල් වුන මට පොඩ්ඩක් මූණුපොත පැත්තේ මූණ දාලා එන්න හිතිලා ගියා ඒ පැත්තට. ගිහින් හේනේ පැල වලට වතුර ටිකකුත් දාලා ඉන්නකොට ඔන්න එක පාරටම කූඹිච්චි හායි.....!! කියාගෙන පැන්නා. පිලිතුරු හායි පාර කොටන්නත් කලින් පිනා... මට ලොකු උදව්වක් ඕනා.. කියලත් කිව්වා. ටක්කෙටම මොකක් හරි ඉස්ටඩිස් ප්‍රොබ්ලම්ස් එකක් වෙන්න ඇති කියලා හිතාගෙන පිනා ඉතින් මොකක්ද කෙරෙන්න ඕන කියලා ඇහුවා. මට මේ සුපර් මාරියෝ ගේම් එක හොයලා දෙන්නකෝ.... මම ගොඩක් කල් ඉඳලා හොයනවා.... ඔයා ලඟ නැද්ද ඒක... කියලා කියපි. පිස්සු  ඩබල් කූඹිච්චි ගැන දුකත් හිතුණා. එක්සෑම්ස් නිසා අපේ කූඹිච්චිගේ මොලේ අවුලක්ද කොහෙද. එහෙමත් නැතිනම් අර ඉඩෝරිට තැපෑලෙන් ලිපිනය වැරදිලා, පරක්කු වුන ඉම්පෝටඩ් කේක් කෑල්ලක් වත් උගුරේ හිරවෙලාද දන්නේ නෑනේ. හ්ම්....., ඕන එකක් කියලා එක්සෑම්ස් ඉවරවුනාට පස්සේ සුපර් මාරියෝ බැරිවුනොත් ටිකිරි මාරියෝ හරි හොයලා දෙන පොරොන්දුව පිට හෙමින්ම මුණුපොතෙන් එලියට පැන්නා. අපරාදේ මීට අවුරුදුගානකට පෙර මම, මහා අනර්ඝ වස්තුවක් උන 3 1/2 ෆ්ලොපි ඩිස්කට් එකට සුපර් මාරියෝ දමාගෙන හිටියා මතකයි. හරි..., මම ඔන්න කූඹිච්චිට උන පොරොන්දුව ඉටුකලා සුපර් මාරියෝ හැමෝම බා ගන්න මෙතනට කොටන්න. ඊ ලඟ සෙමෙස්ටරයේ එක්සෑම්ස් කාලෙට ඕන වෙයි.

2010 න් 2011 ට.....

පසුගිය අවුරුද්ද ඔයාලටත් මටත් අපි හැමෝටමත් ජීවිතයේ අමතක නොවන අවුරුද්දක්...., විටක අපි එකතුවෙලා ගොඩක් සතුටු වුණා... විටක අපිට එකතුවෙලා දුක් කරදර බෙදාගත්තා....., අපි මුණගැහිලා නම් ටික කාලයයි.... නමුත් අපිට දැනෙන්නේ අවුරුදු ගානක ඉඳලා එන බැඳීමක් අපි අතර තියෙනව කියලා...., ඉතින් මේ ලැබූ 2011 අලුත් අවුරුද්ද ඔයාලා සියලු දෙනාටම සාමයෙන් සතුටින් පිරුණ සුභ අලුත් අවුරුද්දක් වේවා.....!!!