ඔන්න පහුවෙනිදා උදෙන්ම පාප්පුවයි පින්සරයි ගියා පාරාදීසෙ පැත්තෙ රවුමක් දාලා එන්න කියලා. එදා ඉතින් හවස් වෙනකන් පිස්සුව තමා. හවස නැවතත් ජුන් අඩවියේ ක්‍රියාකාරකම් පිළිබඳ සමාලෝචනය සඳහා පාප්පුවා පාලන මැදිරියට ලොග් උනා.. පින්සරත් පාලන මැදිරිය අසලට පුටුවක් අරන් ගිහින් ඇසිස්ටන්ට් පාලනමැදිරි තනතුර භාරගත්තා ඕං.... ඔහොම ඉන්නකොට පින්සරට ටිකක් කම්මැලි වගේ... පෝන් කෑල්ල අතට අරන් මූණු පොතේ කාවහරි ඔන්ලයින් ක්‍රමේට බයිට් කරන්න කියලා හිතාගෙන කයිවාරුවට ලොග් වෙලා බැලුවා කවුද ඉන්නේ කියලා.. බලනකොට ඕං ඉන්නවා ඉඩෝරි.. පින්සරගෙ ෆේවරිට් බයිට් එකක්... =D ඕං ඉතින් නමෝ විත්තියෙන් මෙහෙමයි ඒ බයිට් එක සිද්ධ උනේ..
පිනා: "ඒයි ඉඩෝරි උඹ මොකද කරන්නේ? අපි මේ "ජුන්නෝ" බලනවා..."
ඉඩෝරි: " මොකක්ද? ෆිල්ම් එකක්ද? " (කස්ටියට හිතාගන්න පුලුවන්නේ ඉඩෝරිගේ මොලේ තරම ගැන, පිනාත් ඉතින් අහුඋන පොට දිගටම ඇදගෙන ගියා..)
පිනා: " ඔව්, උඹටත් දෙන්නද? "
ඉඩෝරි: " අපෝ මට එපා උඹ බලන ෆිල්ම් "
පිනා: " නෑ බන් මේක පට්ටයි..."
ඔන්න ඔහොම දිගටම බයිට් එක ඇදගෙන ගියා.. ඊට පස්සේ පින්සර පාප්පුවටත් ඔයගැන කිව්වා.. ඊට පස්සේ අපි පොඩ්ඩක් සර්ච් පාරක් දාලා බැලුවා සිරාවට එහෙම ෆිල්ම් එකක් තියනවද කියලා යකෝ සිරාවට එහෙම ෆිල්ම් එකක් තියෙනවා. ඒකත් ජයසිරි මංගලම් කියලා ඉඩෝරිට ඒකෙ ලිනක් දෙකතුනක් යවලා බයිට් එක අප්කරලා ගත්තා. ඒ පාර ඉඩෝරි හොඳටම ඇඳගෙන. කොච්චර ඇඳගනද කිව්වොත් දැන් ඉඩෝරි විසිවෙනිදා "නැට්" එකේ "ජුන්නෝ" ෆිල්ම් එක බලන්නත් ලෑස්තියි ඕං....
ඔය වෙලාවෙ එකපාරටම "ඩෝං.." ගාලා සද්දයක් ඇහුනා පාප්පුවාගෙ ගෙදර වහලෙන්.. "මොකක්ද බන් ඒ...?" පින්සර ඇහුවා.. ඒකට ලැබුන පිලිතුර මීට මාස ගානකට ඉස්සර කැලේ පාප්පුලාගෙ ගෙදර හිටපු දවසක ඔය සිද්දියම වෙලා කැලයාට ලැබුන පිලිතුරම තමා... "ඔය වහලෙට වෙරළු ගෙඩියක් වැටුනා බන්.." ඒත් යකෝ හැමදාම ගස්වල වෙරළු තියෙනවද? අනික ඇහුන සද්දෙ හැටියට වෙරළු ගෙඩියෙ සයිස්එක ගඩොල් බාගයක් විතර එකක් වෙන්න ඕනා. පින්සරට එහෙම හිතුනත් මොනවත් පාප්පුවාගන් ඇහුවේ නෑ ඒ ගැන.. පාප්පුවා පව්නේ... සීන් එක මොකක්ද කියලා නිගමනයකිරීම පාඨකයින්ට බාරයි.....
