ඔයාලා දන්නවානේ අපේ කැලේ සහෝදරයා ගැන. මිනිහාට ඉතින් කාලෙන් කාලෙට විවිධාකාර, විෂමාකාර මොංගල් තත්වයන් ඇතිවෙනවා කියලා. ඔය හිටපු ගමන් ලොවෙත් මම නම් අහලා නැති ඉංගිරිසි සින්දු වල කෑලි කියනවා එහෙමත් මම දැකලා තියෙනවා. මනුස්සයාට ඔයවගේ ලෙඩ ගොඩයි. මම මේ කියන්න යන්නෙත් උන්නැහේට වැළඳිලා තිබුන දරුණු මන්ද මොංගල් තත්වයක් ලොවෙත් චාටර් අකරතැබ්බයකින් අවසන් වුණ හැටි.
මීට මාසෙකට දෙකකට කලින් කැලේට අමුතු ලෙඩක් හැදිලා තිබුණා, අපේ එකෙක් හරි ඌ ලඟ හිටියොත් අතපය විසිකරලා ගහන්න යනවා. මොකද දන්නවද කැලේ කරාටේ ඉගෙනගන්න යනවලු සඳුදා හවස ජිම් එකට. එදාට කැලේ අපේ බවන පැත්තට එන්නේ කෙඳිරිගාගෙන, ඇඟ රිදෙනවාලු කරාටේ ගහලා. පස්සේ තමා අපි දන්නේ, කැලේ ව කරාටේ ටීම් එකට අරන් තියෙන්නේ අර පුහුණුවෙන්න ගහන ඩමියට තියන්න කියලා. ඔය කාලෙදිම තමා අපිට අර ජයග්‍රාහී දෙවන වතාවටත් නවක ක්‍රීඩා තරඟ තිබුනේ. ඔන්න ඒකට වෙන පැකල්ටියකින් ආපු ගෑණු ලමයෙක් ගැන කැලේට මෙව්වා එකක් ඇතිවෙලා. චී...., ඔය ගැන ඇහුවාම කැලේ ලොවෙත් කපපු කිරිපණුවෙක් වගේ ඇඹරෙනවා. හ්ම්... ඔහොම ටික දවසක් ගියා. ඔය අපේ පඩියා ඉන්නේ ආන්න උන්නැහේගෙ බුදු පිට් එකක් ලු ඒ ගෑනු ලමයා. දවසක් කැලේ, මකුවත් එක්ක කොහෙදෝ ගිහින් එද්දි පඩියයි ඒ ගෑනු ලමයයි පොඩියට ටෝක්ස් එකක් දාගෙන සාත්තර පීඨෙ පැත්තේ ඉඳලා යනවා දැකලා. වෙලාවෙ හැටියට කලාව පෙන්නලා කෙල්ලගෙන් ලකුණක් දෙකක් දාගන්න හිතපු කැලේ මකුවත් ඇදගෙන අඩියට දෙකට ඒ දිහාවට කිට්ටු කොලා. ලඟට ගිහින් ගෑනු ලමයට ඇහෙන්නත් එක්ක හෝ ගාලා වදන් දෙනවලු මකුවට. ඔහොම ටික දුරක් යනකොට මකුවට දැනුනාලු තමන්ගේ ඇඟේ යාන්තමට මොකක් හරි වැදෙනවා, ඒත් එක්කම කවුරු හරි ඇදගෙන වැටෙන සද්දයකුත් ඇහිලා. මොකක්ද කියලා මකුවා හැරිලා බලනකොට මෙන්න බොලේ කැලේ හතර ගාතෙන් බිම ලු. ඒ සද්දෙට අර ගෑනු ලමයත් හැරිලා පුදුමෙන් වගේ බලන් ඉන්නවාලු. ඒක දැකපු කැලේට ලැජ්ජා කෝටියයි. වෙන මොනවත් හිතන්න කලින්ම කැලේ නැගිටපු ගමන් මකුවත් දාලා දුවලා.. එදායින් පසුව කැලේ ඒ ගෑනු ලමයා ඉන්න පැත්ත පලාතක හිටියෙත් නෑ ලු. ආයෙ කරාටේ ගහන්න ගියෙත් නෑ ලු.
පසුව දැනගන්න ලැබුණ විදියට මෙහෙම දෙයක් තමා එදා කැලේට වෙලා තියෙන්නේ. කැලේට ඕනවෙලා තියෙනවා අර ගෑනුලමයා ඉස්සරහ එයා අළුතින්ම ඉගෙනගත්ත කරාටේ පාරක් ආදර්ශණය කරලා පෙන්නන්න. ඒ පහර එල්ල කිරීමට යොදාගෙන තියෙන්නේ මකුවා. එහෙම හිතලා රියනක් විතර උසට ගුවනේ පාවෙලා ගිහින් මකුවාට පහර එල්ලකරන්න හදනකොටම කලිසම පැටලිලා ඇදගෙන වැටිලා.. මේ ගැන කිව්වට මොකද කැලේ ගෙන් මේ ගැන අහන්න එපා පවු මිනිහට ලැජ්ජා හිතෙයි..
